Interlingua/Explosion solar va disturbar satellites

Strona tytułowa

Poniższy tekst pochodzi z dwumiesięcznika "Panorama in Interlingua" i został zamieszczony dzięki uprzejmej zgodzie jego redaktora naczelnego, Thomasa Breinstrupa.

"Es permittite usar le material pro le inseniamento e documentation de interlingua in le mundo."

Explosion solar va disturbar satellitesEdytuj

SUA: Un explosion in le atmosphera del Sol pote esser un signal de un serie de tempestates solar que poterea disturbar le communication in tote le mundo e impericular aviationes in altitudes grande.

Assi dice Alan Title, recercator gerente del Instituto Stanford Lockheed pro Recerca Scientific in Palo Alto, California. Ille expecta le tempestates e maculas solar a culminar in 2000, e isto pote causar explosiones si grande que satellites e cercatores electronic de personas es disturbate quando le consequentias del explosiones penetra le sphera magnetic del Terra. Similemente, aviones militar que vola in altitudes grande riscara alte nivellos de radiation.

Le 31 de maio, un forte explosion 88.000 km longe e 322 km large occurreva in le atmosphera del Sol. Illo se moveva con 3,2 milliones de km/hora.

Le 17 de novembre un tempestate de meteores “Leonid” potera disturbar le 500-600 satellites in orbita circum le Terrra. Le tempestate occurre cata novembre. Le particulas de arena del cometa se move plus velocemente que le balla de un calibre .22. Illos non pote penetrar le satellites ma pote crear quadros electronic que destrue equipamento electronic. In Japon, Corea, Okinawa, e Australia del Nord on potera vider le melio le 200-5.000 meteores per hora in le tempestate que durara cinque-sex dies.

SUA = Statos Unite de America - Stany Zjednoczone Ameryki

Sol - słońce
tempestate - burza
solar - słoneczny
disturbar - zakłócać
mundo - świat
impericular - narazić na niebezpieczeństwo
aviation - lotnictwo
altitude - wysokość
recercator - badacz
gerente - kierownik, zarządzający
macula - plama
avion - samolot
volar - latać
riscar - ryzykować
occurrer - zdarzyć się
particula - cząsteczka
arena - pisaek
velocemente - szybko
balla - kula
destruer - niszczyć
equipamento - sprzęt, wyposażenie
durar - trwać